प्रत्येक बिहान ८ बजे। सातदोबाटोस्थित करातेको कभर्ट हलमा दैनिक अभ्यास सुरु हुन्छ। तर, आइतवार समय घर्किँदा पनि अभ्यासको सुरसार थिएन।
साढे आठतिर करातेका प्रशिक्षक दीपक श्रेष्ठ कभर्ड हलमा आइपुगे। उनीहरु त्यहाँ पुग्दा ओलम्पिकको तयारीमा जुटेका खेलाडीहरु अनु अधिकारी र नवीन रसाइली त्यहीँ थिए।
अगाडि एउटा टेबल थियो। टेबलमा फूल, माला, अबिर, मिठाइ थियो। र, त्यसको ठीक पछाडि थियो दुईवटा कुर्सी। प्रशिक्षकहरु पुग्दा खेलाडीले आफ्नो हिसाबले अभिवादन गरे र कुर्सीमा बस्न भने।
