'भाइको अभिनय दामी रै'छ। सिरियल खेल्ने भए दश हजार खर्च गर।'
चार वर्षअघिको कुरा हो। त्यतिखेर हिमेश पन्तसँग टेलिश्रृङ्खलामा अभिनय गर्नकै लागि दश हजार रुपैयाँ थिएन। तर, हाँस्य अभिनयको हुटहुटी भने निकै थियो। ठाउँ पाए आफ्नो ट्यालेन्ट देखाएरै हिट हुन्छु भन्ने लाग्थ्यो उनलाई। त्यसैले 'दिमाग खराब' नामक टेलिश्रृङ्खलामा अभिनयका लागि बार्गेनिङ गरे। पाँच हजार तिरे।
'क्र्याक' नामक पात्र दिइयो उनलाई। हुलिया – झुत्रे झाम्रे लुगा लगाउने। शाहरुख खान, नाना पाटेकर, सुनिल सेट्ठी लगायतको आवाज निकाल्ने।
