नारायण कोजु
डिसेम्बर २०१९ मा नोबल कोरोना भाइरस (सार्स-कोभ-२) मान्छेबाट मान्छेमा सर्छ भन्ने जानकारीमा आएपछि आजसम्म संसारका २०० भन्दा बढी देशमा करीब ७० लाख मानिस यो भाइरसबाट संक्रमित भएका छन्। तीमध्ये करीब चार लाख मानिसहरूले जीवन नै गुमाइसकेका छन् भने करिब ३४ लाख उपचारपछि निको भएका छन्।
नेपालमा पनि तीन हजार ४०० भन्दा बढी संक्रमित भइसकेका छन् र १३ जनाको निधन भइसकेको छ। यो विश्व्यापी महामारीबाट गुज्रिरहेको बेला संसारले नै यसको भ्याक्सिन पर्खिरहेछ।
भ्याक्सिनबाहेक समयसँगै उत्परिवर्तनका कारण भाइरस कमजोर हुन्छ कि भन्ने आशा पनि गरिएको छ। त्यसैले अहिले संसारैभरि फैलिएको नोबल कोरोना भाइरसमा के-कस्तो परिवर्तन आएको छ भनेर अनुसन्धान भइरहेको छ। यो लेखमा नोबल कोरोना भाइरसमा भएको उत्परिवर्तनबारे चर्चा गरिनेछ।
