सरकारले आगामी आर्थिक वर्षका लागि रु. १४ खर्ब ७४ करोड ६४ लाखको बजेट प्रस्तुत गरेको छ।
अर्थमन्त्री डा. युवराज खतिवडाले आगामी आर्थिक वर्ष २०७७/७८ को बजेट प्रस्तुत गर्दै आगामी आर्थिक वर्षमा बजेटको आकार घटाएका हुन्।
चालु आर्थिक वर्षका लागि रु. १५ खर्ब ३३ अर्बको बजेट प्रस्तुत गरिएको थियो।
आगामी आर्थिक वर्षको बजेट मध्ये चालु खर्चका लागि रु. ९ खर्ब ४८ अर्ब ९४ करोड छुट्याइएको छ। यो कुल बजेटको ६४.४ प्रतिशत हो । त्यस्तै, विकास लक्षित पुँजीगत शीर्षकमा रु. ३ खर्ब ५२ अर्ब ९१ करोड छुुट्याइएको छ। यो कुल बजेटको २३.९ प्रतिशत हो।
त्यस्तै, वित्तीय व्यवस्थाका लागि रु. १ खर्ब ७२ अर्ब छुट्याइएको छ। सरकारले आगामी आर्थिक वर्षमा रु. ८ खर्ब ८९ अर्ब ६२ करोड राजस्व उठाउने लक्ष्य राखेको छ।
यो चालु आर्थिक वर्षको लक्ष्यका तुलनामा कम हो। आगामी आर्थिक वर्षमा रु. ६० अर्ब ५२ करोड वैदेशिक अनुदान आउने अनुमान गरिएको छ। त्यस्तै, रु. २ खर्ब ९९ अर्ब वैदेशिक ऋण लिने र रु. २ खर्ब २५ अर्ब आन्तरिक ऋण लिने उल्लेख गरिएको छ।
LIVE
