सरकारले नयाँ सहरको विकास गर्नका लागि २ अर्ब रुपैयाँ बजेट छुट्याएको छ।
आर्थिक वर्ष २०७७/७८ को बजेट प्रस्तुत गर्दै अर्थमन्त्री डा. युवराज खतिवडाले आधारभूत पूर्वाधार सहितको सुरक्षित र दीगो सहर विकास गरिने घोषणा गरेका हुन्।
मध्यपहाडी लोकमार्गले जोड्ने उपयुक्त १० ठाउँमा नयाँ सहरको विकास गर्नका लागि २ अर्ब छुट्याइने घोषणा गरे।
साथै नवलपरासी र रुकुमपूर्व जिल्लामा सदरमुकामको विकास अघि बढाउन पनि यो रकम खर्च हुनेछ।
यस्तै, उनले काठमाडौं उपत्यकामा ४ वटा व्यवस्थित उपसहर निर्माण गरिने बताए।
यस्तै सरकारले विद्युतीय तार भूमिगत गर्ने कार्यलाई निरन्तरता दिने भएको छ। काठमाडौंबाट सुरू भएको विद्युतीय तार भूमिगत कार्यलाई निरन्तरता दिइन लागेकाे हाे।
आगामी वर्ष भक्तपुर, ललितपुर, चितवनमा लगायतका ठूला सहरमा विद्युतीय तार भूमिगत गरिने लगायत ठूला सहरमा विस्तार गरिने सरकारकाे लक्ष्य छ।
