लकडाउनको पहिलो चरणमा काठमाडौंको जनजीवन व्यवस्थित बनाउन सरकारलाई हम्मे परेको थियो । अहिले भारतसँग सीमा जोडिएका जिल्लामा त्यस्तै भद्रगोल स्थिति देखा परेको छ । यो भद्रगोलले कोरोनाको जोखिम उच्चदरमा बढाएको छ ।
सरकारले काठमाडौंमा आफ्नो उपस्थिति दह्रो बनाउन नसके पनि कोरोनाको संक्रमण दर सुस्त थियो । तर, भारतसँग सीमा जोडिएका छ वटा प्रदेशको अवस्था त्यति सहज देखिँदैन ।
यसै सन्दर्भमा अनलाइनखबरले प्रदेश ब्युरोको सहयोगमा भारतीय सीमा नाकाबाट भित्रिने नेपालीहरूको अवस्थाबारे देशभरिको रिपोर्ट तयार पारेको छ ।
