काठमाडौंको कागेश्वरी मनोहरा नगरपालिका ४ स्थित लक्ष्मीनारायण चोकको एक गाई फार्ममा आगलागी भएको छ।

गएराति भएको आगलागीबाट कम्तिमा चार वटा गाईहरु जलेर मरेका बौद्ध प्रहरीले जनाएको छ  । केही गाई घाइते भएका छन्। बौद्ध प्रहरीका अनुसार सो गाई फार्म खड्ग ढकालले सन्चालन गर्दै आएका थिए।

गएराति करिब ९ बजेर २५ मिनेटमा आगलागी भएको र दमकलको सहयोगमा सवा १० बजेतिर नियन्त्रणमा लिइएको प्रहरीले जनाएको छ।

आगलागीको कारण खुलेको छैन। क्षतिको पूर्णविवरण पनि आइनसकेको प्रहरीको भनाइ छ।