मुखमा मास्क लगाएकी एक विदेशी नर्स आफ्नै मनसँग अनेक तर्क विर्तक गर्दै टोलाइरेकी छिन् । आँखामा आँसु छछल्काउँदै उनी आफ्नै मनसँग विलौना गरिरहन्छिन् । उनको अनुहार ओइलाएको देखिन्छ, निराशाले छोपेको देखिन्छ । आफ्नै आँखा अगाडि लाखौंले ज्यान गुमाएको देख्दा पनि उनी आफ्नो कर्तव्य र जिम्मेवारीबाट भाग्न सक्दिनन् । आफ्नो जीवनसँग अनेकौं तर्कहरू गर्दै जीवन र मृत्युको बिचमा अडिक भएर आफ्नो पेशागत जिम्मेवारी निभाइरन्छिन् ।
चित्रकार एरिना ताम्रकारले बनाएको यो पेन्टिङलाई नियालेर हेर्दा जो कोहीको पनि मनमा चसक्क हुन्छ । नेपाल ‘लकडाउन’ भएको पहिलो सातामा बनाएको उनको यो पेन्टिङले चिकित्सकको बाध्यता र पीडालाई प्रष्ट्याउने कोसिस गरेको छ ।
