विनियोजन विधेयकको सिद्धान्त तथा प्राथमिकतामाथि छलफलको क्रममा नेपाल कम्युनिस्ट पार्टीका विदेश विभागका उपप्रमुखसमेत रहेका सांसद सुरेन्द्रकुमार कार्की (राम कार्की) ले रोस्ट्रममा उभिएर सांसदहरुलाई भने, ‘हाम्रो अर्थव्यवस्था नवउदारवाद र समाजवादको बीचमा छ । तर अबको अवस्थामा हामीले एउटा बाटो तय गरेर जानुपर्छ । हामीले दुईमध्ये एउटालाई रोजेर जानुपर्छ ।’
नेपालको संविधानले समाजवाद उन्मुख राज्यको परिकल्पना गरेको छ । तर समाजवाद र व्यक्तिवाद फरक फरक चिज भएकाले यी दुवै एकै ठाउँमा रहन नसक्ने उनको तर्क हो । संसदमा उनले भने, ‘यी दुवै एकै पटक अघि बढ्न सक्दैनन् । अब ¥याडिकलहरु नै रियालिस्ट हुन्छन् । तपाईंहरुले आफ्नो नेतृत्वसँग कुरा गर्नुस्, म पनि गर्छु । ‘सेन्टर लेफ्ट’को जुन अभ्यास छ, त्यो अब चल्न सक्दैन ।’
