बंगलादेशमा रहेको संसारको सबभन्दा ठूलो शरणार्थी शिविरमा कोरोनाभाइरसको संक्रमण देखिएको छ । त्यहाँको संक्रमणले बंगलादेशलाई तर्साएको छ किनकि फैलिएपछि त्यसलाई रोक्न निकै मुश्किल पर्ने देखिन्छ ।
दश लाख शरणार्थीहरू बस्ने शिविरमा कोरोनाका दुई केस देखिएका छन् ।
रोहिंग्या रिफ्युजी रिप्याट्रिएसन कमिसनमा आबद्ध एक चिकित्सकका अनुसार, कक्स बजारमा रहेका शरणार्थीहरूमा कोभिड–१९ पुष्टि भएको हो ।
संक्रमितहरूलाई एकान्तवासमा राखेर उपचार गराइएको अधिकारीहरूले बताएका छन् ।
शिविरमा मार्च १४ देखि नै लकडाउन लगाइएको छ ।
उता इजिप्टमा पनि शरणार्थीहरूको ठूलो संख्या छ । बढी खतरामा रहेका १६ सय मानिसलाई अन्य देशमा सारिने आशा अधिकारीहरूले गरेका छन् ।
इजिप्टको लेस्बोस टापुमा दुई प्रवासीलाई कोरोना पोजिटिभ पाइएको छ । दुवैलाई एकान्तवासमा राखिएको छ ।
सहायता एजेन्सीहरूले लामो समयदेखि शरणार्थी शिविरहरूका विषयमा चेतावनी जारी गर्दै आएका छन् ।
रोहिंग्या शरणार्थी शिविरका विषयमा पनि जोखिमको चेतावनी दिइँदै आएको थियो ।
कक्स बजारका परिस्थितिहरू कोरोनाभाइरस फैलिनका लागि उपयुक्त छन् । त्यहाँ साँघुरो ठाउँमा भीडभाड छ अनि सरसफाइ र सफा पानी सीमित छ । सामाजिक दूरी अपनाउन त्यहाँ सम्भव छैन ।
बंगलादेशमा सेभ द चिल्ड्रेनका निर्देशक डा शमीम जहाँका अनुसार, ‘कोरोनाभाइरस संसारको सबभन्दा ठूलो शरणार्थी शिविरमा प्रवेश गरिसकेको अवस्थामा हजारौं मानिसको ज्यान जानसक्ने हामीले देखेका छौं । यो महाव्याधिले बंगलादेशलाई दशकौं पछाडि धकेल्न सक्छ ।’
.jpg)
