मानव अङ्ग प्रत्यारोपण केन्द्रमा कार्यकारी निर्देशक नियुक्त भएका डाक्टर प्रेमराज ज्ञवाली निजी अस्पतालका ठूला शेयर होल्डर भएको खुलासा भएको छ । सरकारले केही दिनअघि मात्रै मानव अङ्ग प्रत्यारोपण केन्द्रमा कार्यकारी निर्देशकमा नियुक्त गरेका टिचिङ अस्पतालका ट्रान्सप्लान्ट सर्जन डा. प्रेम ज्ञवाली देशकै महङ्गो अस्पताल ग्रान्डी अस्पतालका प्रमुख शेयर होल्डर हुन् ।
ग्रान्डी अस्पताल सञ्चालनमा ल्याउनुअघि डा. ज्ञवाली मेडिकेयर अस्पतालमा काम गर्दथे । तर ग्रान्डी अस्पताल खुलेपछि ज्ञवाली, चक्रराज पाण्डे लगायतका व्यक्तिहरु मिलेर ग्रान्डी अस्पतालमै शेयर लगानी गरेका थिए । हाल मानव अङ्ग प्रत्यारोपण केन्द्रमा कार्यकारी निर्देशक नियुक्त भएका ज्ञवाली ग्रान्डी अस्पतालका प्रमुख शेयर होल्डर हुन् ।
