शुक्रबार भारतीय गृहमन्त्री राजनाथ सिंहले नेपाली भूमि लिपुलेक हुँदै चीनको कैलाश मानसरोवर जाने बाटोको उद्घाटन गरे । बाटोको उद्घाटन भएलगत्तै नेपालमा त्यसको विरोध सुरु भएको छ । भारतले निर्माण गरेको यो बाटोले नेपालको पर्यटनक्षेत्र र आर्थिक उपार्जनमा पनि ठूलो महत्त्व राख्दछ । गत वर्षकै सरकारी तथ्याङ्क हेर्ने हो भने नेपाल हुँदै चीनको कैलाश अर्थात् मानसरोवर जाने भारतीय पर्यटकको सङ्ख्या २० हजार ५ सयको हाराहारीमा थियो । उनीहरुले प्रतिव्यक्ति ३ लाख ५० हजारदेखि ५ लाख रुपैयाँसम्म खर्च गर्ने गरेका थिए । अर्थात् गत वर्ष कैलाश जाने भारतीय पर्यटकहरुले औषतमा ४ लाखका दरले हिसाब गर्दा पनि उनीहरुले ८ अर्ब २० करोड रुपैयाँ खर्च गरेका थिए । त्यो रकमको ५० प्रतिशत रकम नेपालमा खर्च हुँदा पनि करिब ४ अर्ब रुपैयाँ नेपालकै पर्यटनक्षेत्रमा आउने गर्दथ्यो ।
तर जब भारतले लिपुलेकको बाटो उद्घाटन ग¥यो, यसले कैलाश मानसरोवरको व्यापार गर्ने टुर अपरेटर र होटल लगायतका पर्यटन व्यवसायमा संलग्नहरुको टाउको दुखायो । किनभने यदि यही बाटो भएर भारतीय पर्यटकहरु मानसरोवर जान थाले भने नेपालगञ्ज, सिमीकोट, हिल्सा लगायतका स्थानमा बनेका तारे होटल तथा रिसोर्टदेखि हेलिकोप्टरको व्यवसायमा समेत प्रत्यक्ष असर गर्नेछ ।
