चार्ली क्याम्वेल
सांघाई - सांघाईको पश्चिमी क्षेत्रमा पानीको फोहोरासहितको बगैंचा र शरद्ऋतुमा फुलेका चेरीको आनन्द लिँदै मानिसहरु पिकनिकमा रमाइरहेकाछन्। मानिसहरु आफ्ना बालबालिकालाई तीनपांग्रे साइकलमा घुमाइरहेका छन्। विद्यार्थीको हातहातमा काभा नाम गरेको स्पेनिस वाइन छ। तीन महिना लामो कठोर लकडाउनपछि चीनको सबैभन्दा ठूलो सहर सांघाईका मानिसले बाहिरी प्रकाशस“ग आखा झिम्क्याउन पाएकाछन्। कफी लिन लामबद्धसेली झाउ भन्छिन्, ‘यो गजब भइरहेकोछ। मैले यहा“ यत्रो भीड कहिल्यै देखेकी थिइनँ।’
कोभिड १९महामारी विश्वव्यापी फैलिए पनि चीनको जस्तो कठोर लकडाउन अन्यत्र भएको छैन। यो महामारीको इपिसेन्टर मानिएको वुहान पूर्ण रुपमा सिल गरिएको थियो भने अन्य सहरमा क्वारेन्टिनमा राखिएको थियो। संसारको दोस्रो ठूलो अर्थतन्त्र मानिएको देश चीन सम्पूर्ण रुपमा ठप्प थियो। यो बलिदानका कारण हाल चीनमा भाइरस संक्रमणका नयाँबिरामी निकै कम भएकाछन्। वुहानमा भाइरसका अन्तिम बिरामीलाई गत अप्रिल २७ मा अस्पतालबाट डिस्चार्ज गरिएकोछ। हताहातीको सरकारी तथ्यांकलाई धेरैले अविश्वास गरेपनि चिनियाँ सरकारी अधिकारी हाल विद्यालय तथा केही व्यवसायलाई पुनः सञ्चालन गर्ने अनुमति दिएर ढुक्क देखिन्छन्। अप्रिल २२मा चिनियाँ राष्ट्रपति सी जिनपिङले भनेका थिए, ‘ठूला संकटपछि ठूला खाले प्रगति हुन सक्ने हामीलाई इतिहासले सिकाएकोछ।’
