सुरेन्द्र पौडेल
खाडी राष्ट्र कुवेतले त्यहाँ रहेका ४ हजार नेपाली कामदारलाई छिटो स्वदेश फिर्ता लैजान नेपाल सरकारलाई भनेको छ । लामो समयदेखि कुवेतमा अवैध तरिकाले बस्दै आएका ४ हजार नेपालीलाई कुवेत सरकारले छिटोभन्दा छिटो फिर्ता लैजान भनेको हो । कुवेतले फिर्ता गर्न लागेका नेपालीमा आधाभन्दा बढी महिला रहेका छन् ।
‘कुवेतले अवैधरुपमा रहँदै आएका ४ हजार नेपालीलाई तत्काल फिर्ता गर्न चाहेको छ । कुवेतस्थित नेपाली दूतावासमार्फत् नेपाल सरकारलाई आफ्नो सन्देश कुवेतले दिइसकेको छ,’ गैरआवासीय नेपाली संघ (एनआरएनए) कुवेतका अध्यक्ष सुजन केसीले नेपालन्युजलाई जानकारी दिए, ‘फिर्ता हुनेमा आधाभन्दा बढी महिला कामदार छन् ।’
