लकडाउन लम्बिएका कारण घर फर्किनेको लर्को लागेपछि कलंकीमा ट्रकमा प्यासेन्जर चढाएर रकम असुल्ने बिचौलिया र दलालको सक्रियता बढेको छ । पछिल्ला दिनमा अधिकांश यात्रु स्थानीय गाउँपालिका, नगरपालिका तथा नेता र सांसदले रिजर्भ गरेका गाडीमा फर्किरहेका छन् ।
रिजर्भ गाडीमा जान नपाएका अलपत्र यात्रु भने बिचौलियाको फन्दामा पर्न लागेका छन् । गाउँघर फर्किनेको लर्को लागेपछि कलंकी क्षेत्रमा अनावश्यक मान्छेको अस्वाभाविक चलखेल चलिरहेको थियो ।
प्रहरी देखेपछि भागिहाल्ने ८–१० जना युवा झोला बोकेका व्यक्तिसँग कुरा गरिरहेका थिए । उनीहरू थिए– गाउँ फर्किन चाहनेलाई ट्रकमा चढाएर कमिसन बटुल्ने बिचौलियाहरू ।
