गृह मन्त्रालयले लामो समयदेखि रोकिएको नेपाल प्रहरीका प्रहरी बरिष्ठ उपरीक्षक (एसएसपी), प्रहरी उपरीक्षक (एसपी) र प्रहरी नायब उपरीक्षक (डीएसपी) को बढुवा निकालिसकेको छ ।
चैत २८ गते १० प्रहरी बरिष्ठ उपरीक्षक (एसएसपी) को प्रहरी नायव महानिरीक्षकमा बढुवा सिफारिस भयो । त्यस्तै ९ वैशाखमा गृह मन्त्रालयले १९ जना प्रहरी उपरीक्षक (एसपी) को एसएसपीमा बढुवा गर्यो । त्यसको भोलिपल्ट १० वैशाखमा २४ जना प्रहरी नायब उपरीक्षक (डीएसपी) एसपीमा बढुवा भए ।
गृह मन्त्रालय स्रोतका अनुसार १/२ दिनमै प्रहरी निरीक्षक (इन्सपेक्टर) बाट डीएसपी बढुवाको सूची निस्किनेछ । ५४ सिटको लागि १५० भन्दा बढी इन्सपेक्टरहरुबीच कडा प्रतिस्पर्धा हुनेछ ।
