मन्दिर, मस्जिद, गुम्बा र चर्चहरु मान्छेका आआफ्नै आस्थाका स्थल हुन् l कोही मन्दिर जान्छन्, कोही मस्जिद र कोही गुम्बा अनि कोही चर्च जान्छन् l ती स्थलमा ईश्वर, अल्लाह, बुध्द वा येशु जसलाई पुकारे पनि वास्तवमा गरिने कामना भनेको मानव कल्याण नै हो l तर, दुर्भाग्यबश तिनै पवित्रस्थल महामारी फैलाउने स्थलमा परिणत भयो भने ?
कुनै धर्म र सम्प्रदायप्रति आक्षेप लगाउन खोजेको होइन, तर दुखको कुरा, अहिले मुस्लिम सुन्नि समुदायसँग सम्बन्धित तबलिगि जमातको बौलट्ठिपन तथा चरम लापरवाहीले केही मस्जिद र मदरसाहरु कोरोना संक्रमण स्थल बनेका छन् l
