साहित्यकार पिटर जे कार्थकको ७७ वर्षको उमेरमा निधन भएको छ। पछिल्लो केही समय देखिक्यान्सरको उपचार गराइरहेका कार्थकको नेपाल क्यान्सर अस्पतालमा निधन भएको हो।

'प्रत्येक ठाउँ : प्रत्येक मान्छे' उपन्यासका लेखकसमेत रहेका उनले अंग्रेजी साहित्यमा समेत योगदान रहेको छ। पछिल्लो पटक काठमान्ड्युस अंग्रेजी उपन्यास प्रकाशित भएको थियो। उनको पहिलो उपन्यासले सन् १९७८ मा साझा पुरस्कार प्राप्त गरेको थियो।

कार्थक साहित्यकार मात्र नभएर संगीतकार र पत्रकार समेत थिए। सन् १९४३ मा सिलोङमा जन्मिएका उनको परिवार पछि दार्जिलिङ सरेको थियो। कार्थक सन् १९६५ मा नेपाल आएका थिए र जीवनको अन्तिमसम्म साहित्यको सेवा गरिरहे।

कार्थकलाई दुई हप्ता अघि मात्र क्यान्स भएको पत्ता लागेको थियो। उनको घाँटीमा क्यान्सर देखिएपछि किमो थेरापी दिइएको थियो। किमो पछि घर आएका उनको अवस्था बिग्रिएपछि बुधबार पुन: अस्पतालमा भेन्टिलेटरमा राखिएको थियो।