एक्काइसौं शताब्दीकै सबैभन्दा ठूलो विश्व स्वास्थ्य समस्याको रुपमा देखापरेको छ : कोरोनाभाइरसले सिर्जना गरेको महाव्याधि । प्रकट रुपमा यो यतिखेर सबैभन्दा ठूलो स्वास्थ्य संकटको रुपमा देखापरेको छ तर साथसाथै यसको नियन्त्रणका लागि अपनाइएका कदमहरुको सफलता–असफलताले विश्व राजनीति, अझ खासगरेर नेपालको राजनीतिक स्थितिको वर्तमान अवस्थालाई पनि उदांगो पार्दै लगिरहेको छ । यो स्थितिमा कोरोनाभाइस महाव्यधिको प्रकोपबीच यसका नियन्त्रणका लागि चालिएका कदमहरु तथा त्यसले पैदा गरिदिएको आर्थिक, सामाजिक र राजनीतिक स्थितिलाई कसरी हेर्ने र बुझ्ने ? सोही सन्दर्भहरुका सेरोफेराम केन्द्रीत रहेर हामीले राजनीतिकर्मी एवं विश्व अर्थनीति एवं राजनीतिका अध्येता राजनीतिज्ञ अजय शर्मासँग कुराकानी गरेका छौं ।