साल २०७६ मानवीय अस्तित्वमै खतरा निम्त्याउने बर्ष बनेको छ, कारण कोरोना भाइरसको महाव्याधि नेपालमा समेत भित्रियो । जसका कारण सरकारले लकडाउन घोषणा गर्यो । लकडाउनको तेस्रो साता पार भइसक्दा धेरैजसो मजदुरको रोजीरोटी समेत खोसिएको छ । लकडाउनले करिब करिब सम्पूर्ण गतिविधि बन्द हुँदा नेपालको अर्थतन्त्रलाई नराम्ररी धक्का दिएको छ ।
नेपालकाे अर्थतन्त्र वर्ष २०७६ मध्यम स्तरमा चलिरहेको थियो तर वर्ष अन्तमा कोरोना भाइरसले नेपालमा मात्र होइन, विश्वभर नै प्रहार गरेको छ । उसो त अहिले विकासका गतिविधि नहुनु, अर्थिक बृद्धिदर अपेक्षित नहुनु जस्ता धिमा गतिमा चलिरहेका आर्थिक गतिविधिलाई समेत कोरोनाले झनै पछिल्तिर धकेलिदिएको छ ।
