घरमै बस्दा बस्दा दिक्क लागिरहेको हुन सक्छ । सरकारले कोभिड १९ को रोकथाम र नियन्त्रणका लागि भनेर देशव्यापी घोषणा गरेको लक-डाउन अझै कति लम्बिने हो भन्ने थाहा छैन । यतिबेला मिठो मिठो परिकारका पारखीहरूलाई पक्कै पनि अझ बढी दिक्क लागेको हुन सक्छ ।
यो विषम परिस्थितिबाट बाँच्नका लागि सम्पूर्ण देशबासी घरमै बसीरहेका बेलामा हामीले केही स्वास्थ्य सरल र मौलिक खानाका रेसेपीहरू समावेश गरेका छौं, जुन सबैका लागि उपयोगी सावित हुन सक्छ र परिवारसँग समय कटाउने उत्तम उपाय पनि हुन सक्छ ।
आफ्नो स्वास्थ्यको फाइदाका लागि सबैले आफ्नो खानामा धेरै नुन, तेल, चिनी प्रयोग नगर्ने, मादक पदार्थ र सूर्ती चुरोटको सेवन बिल्कुल नगर्ने, पानी प्रशस्त पिउने, फाइबरयुक्त खाना बढी खाने, एकै पटक खाना ज्यादा नखाने, पटक-पटक गरी थोरै थोरै गरेर खाने, झोलिलो तथा सुपहरू बढी पिउने, धेरै खाद्य सामाग्री संकलन नगर्ने, घरमा जे छ सोहीको बढी भन्दा बढी सदुपयोग गर्ने, सकिन्छ भने सुरक्षित टावरले घरमै खाद्यान्न मगाउने जस्ता महत्वपूर्ण विषयमा ध्यान दिनुपर्छ ।
