सरकारले कोरोना रोगसँग सम्बन्धित स्वास्थ्य सामाग्री तथा उपकरण खरिद गर्नका लागि यसअघि ओम्नी ग्रुपसँग गरिएको सम्झौता रद्द गरिसकेको छ । बुधबार स्वास्थ्य सेवा विभागका महानिर्देशक महेन्द्रप्रसाद श्रेष्ठले शर्त बमोजिम समयमै सामान उपलब्ध गराउन नसकेको र उपलब्ध गराउने प्रतिवद्धता समेत नगरेको भन्दै सम्झौता रद्द गरेको घोषणा गरे ।
त्यसअघि ओम्नी ग्रुपले प्रचलित बजार मूल्यभन्दा अत्यन्तै महङ्गोमा एन ९५ मास्क, सर्जिकल, मास्क, फेस मास्क, पीपीई, थर्मोमिटर गन लगायतका सामान ल्याउने ठेक्का पाएको थियो । तर उक्त ठेक्कामा भ्रष्टाचार भएको भन्दै चौतर्फी आलोचना बढेपछि सरकार पछि हट्न बाध्य बन्यो र अन्ततः ओम्नी ग्रुपसँग गरिएको ठेक्का सम्झौता रद्द गरेको थियो ।
