काठमाडौंको चावहिलमा बसोबास गर्ने ६० वर्षीया शोभा तथा ७० वर्षीय श्यामका छोरी तथा छोरा विदेशमा बसोबास गर्छन् । काठमाडौंमा उनीहरु दुई जना मात्र छन् । शोभाले घरमै कोचिङ क्लास सञ्चालन गरेकी छिन् भने श्यामले बाहिरको काम जस्तै बैंक जाने, बिजुली÷पानीको बिल तिर्ने, किनमेल गर्ने आदि काम गरिरहेका छन् ।
तर, अहिले लकडाउनको बेला दुबैको जिन्दगीमा जुन रफ्तार थियो, त्यसमा ब्रेक लागेको छ । आज त शोभा बिहानैदेखि चिन्तित थिइन्, उनलाई कुनै पनि कुरा राम्रो लागिरहेको थिएन । आफूले आफैंलाई असहाय तथा लाचार सम्झिरहेकी थिइन् । हुन पनि उनले गर्न सक्ने केही पनि छैन । किनभने लकडाउनका कारण उनी कसैसंग न त भेट्न सक्छिन्, न त कोचिङ क्लास नै सञ्चालन गर्न सक्छिन् ।
