आजदेखि केही बैंकका शाखा छोटो समयका लागि खुल्ने भएका छन्। सरकारले लकडाउन घोषणा गरेपनि सर्वसाधारणलाई सुविधा दिन केही बैंकले तीन घन्टाका लागि भए पनि बैंकका शाखा खोल्न लागेका हुन्।
नेपालको सबैभन्दा पुरानो सरकारी स्वामित्वको बैंक नेपाल बैंकले विहान १० बजेदेखि १.३० बजेसम्म जिल्लामा कम्तीमा एउटा शाखा खोल्ने भएको छ। उक्त बैंकले काठमाडौंको केन्द्रीय कार्यालय न्युरोड, ललितपुरको गावाहाल शाखा र भक्तपुरको भक्तपुर शाखा खोल्ने भएको छ।
