पूर्वमिडफिल्डर पिटर विटिङ्घमको ३५ वर्षको उमेरमा बिहीबार मृत्यु भएको छ। गत मार्च ७ मा पबमा लडेका विटिङ्घमको टाउकोमा गम्भीर चोट लागेको थियो।
सन् २००७ देखि २०१७ सम्मको अवधिमा उनले कार्डिफ सिटीबाट ४ सय खेल खेलेका थिए। त्यसबीच उनी सम्मिलित टोलीले २०१३ मा च्याम्पियनसिप जितेको थियो भने २००८ र २०१२ मा क्रमशः एफए कप र लिग कपको फाइनलमा पुगेको थियो।
कार्डिफमा १० वर्ष बिताएपछि उनी ब्लाकबर्नमा आबद्ध भएका थिए। यसअघि विटिङ्घमले एस्टोन भिल्लाबाट खेल करिअर सुरु गरेका थिए, जहाँ उनले सन् २००२ मा एफए युथ कपको उपाधि जिते।
