चलचित्र ‘बागी–३’ प्रदर्शनमा आएको पाँच दिन पूरा भएको छ। प्रदर्शनमा आएको पाँच दिनमा यस चलचित्रले बक्स अफिसमा राम्रो व्यापार गरेको छ।
चलचित्रले ५ दिनमा ७६ करोड ९४ लाख कमाएको छ। रिलिजको पहिलो दिन शुक्रबार १७ करोड ५० लाखको व्यापार गरेको यो चलचित्रले शनिबार १६ करोड ३ लाख कमाएको थियो। आइतबार भने चलचित्रको व्यापार २० करोड ३० लाख पुगेको थियो। सोमबार ९ करोड ६ लाख कमाएको यो चलचित्रले मंगलबार १४ करोड ५ लाख कमाउन सफल रह्यो।
नायक टाइगर श्राफ अभिनित चलचित्रले समिक्षा कमजोर पाएपनि दर्शकको साथ भने सुखद पाइरहेको छ कोरोना भाइरसको प्रभाव भारतमा देखिएपनि यसको व्यापारलाई ठूलो असर परेको छैन।
अहमद खानको निर्देशनमा बनेको ‘बाघी–३’ भारतमा ४ हजार ४ सय र ओभरसिजमा १ हजार १ सय गरी विश्वभर ५ हजार ५ सय स्क्रिनमा एक साथ रिलिज भएको छ।
चलचित्रमा चर्चित अभिनेता टाइगर श्रोफ, रितेश देशमुख र नायिका श्रद्धा कपूर रहेका छन्। चलचित्रमा टाइगरको उत्कृष्ट एक्सन अवतार रहेको छ। चलचित्रले बक्स अफिसमा राम्रो व्यापार गर्नसक्ने बिश्लेषकहरुले बताएका छन्।
चलचित्रमा रितेश देशमुख र टाइगरलाई दाजुभाइको रुपमा प्रस्तुत गरिएको छ। कथा त्यसैको वरिपरी रहेको छ। चलिचित्रको निर्माण साजिद नाडियाडवालाले गरेका हुन्।
