टोटेनह्याम च्याम्पियन्स लिग फुटबल प्रतियोगिताबाट बाहिरिएको छ।
बुधबार बिहान भएकाे अन्तिम १६ को दोस्रो लेगको खेलमा जर्मन क्लब आरबी लेईपजिगसँग ३–० ले पराजित हुँदै टोटेनह्याम प्रतियोगिताबाट बाहिरिएको हो।
पहिलो लेगको खेलमा लेईपजिगले १–० को अग्रता बनाएको थियो। समग्रमा ४–० को नतिजा सहित जर्मन क्लब जर्मन क्लब क्वार्टरफाइनलमा प्रवेश गरेको छ।
मार्सेल सबित्जरले १० औँँ मिनेटमा गोल गर्दै घरेलु टोलीलाई अगाडी बढाएका थिए।
२१ औँ मिनेटमा व्यक्तिगत दोस्रो गोल गर्दै उनले टोलीको अग्रता दोब्बर बनाए।
८७ औँ मिनेटमा बेन्चबाट मैदान छिरेका ईमिल फोर्सबर्गले गोल गर्दै लाईपेजलाई ३–० को जित दिलाएका थिए।
