आइसीसी एकदिवसीय विश्वकप छनोट प्रतियोगिताअन्तर्गत आज (बिहीबार) नेपालले दुईपटकको विश्वकप विजेता वेस्ट इन्डिजसँग प्रतिस्पर्धा गर्दैछ । नेपालका लागि एक दुर्लभ यो प्रतिस्पर्धा जिम्बाब्वेस्थित हरारे स्पोर्ट्स क्लबमा नेपाली समयअनुसार पाैने १ बजेबाट सुरु हुने छ।
जारी प्रतियोगितामा नेपालकाे याे तेस्राे प्रतिस्पर्धा हाे। यसअघि पहिलाे खेलमा घरेलु टाेली जिम्बाब्वेसँग ८ विकेटले पराजित भएकाे नेपालले दाेस्राे खेलमा अमेरिकालाई ६ विकेटले पराजित गरेका थियाे।
दुई पटककाे एकदिवसीय विश्वकप विजेता तथा टि– २० विश्वकप च्याम्पियन वेस्ट इन्डिजलाई हराएर नेपालले आज इतिहास रच्न सक्छ । यो नेपालको वेस्ट इन्डिजसँगको पहिलाे प्रतिस्पर्धा हाे।
त्यस्तै वेस्ट इन्डिज पनि आज नेपाललाई पराजित गर्दै आफ्नाे अपराजित यात्रालाई निरन्तरता दिन चाहन्छ । वेस्ट इन्डिजकाे याे दाेस्राे खेल हाे। उसले यसअघि पहिलाे खेलमा अमेरिकालाई पराजित गरिसकेकाे छ।
जारी प्रतियाेगिताकाे समूह ‘ए’मा रहेकाे नेपालकाे लक्ष्य शीर्ष तीनमा पर्दै सुपर सिक्समा पुग्ने हो । यसका लागि अब नेपालले शनिबार हुने अन्तिम खेलमा नेदरल्याण्डलाई पराजित गरे मात्रै पनि पुग्ने छ।
