डेविड बेकह्यामको क्लब इन्टर मायामी सिएफले अमेरिककाको मेजर लिग सकरको दोस्रो खेलमा पनि पराजित भएको छ।
लिगमा यहि सिजनबाट डेब्यु गरेको इन्टर मायामीले शनिबार भएको लिगको आफ्नो दोस्रो खेलमा २–१ ले पराजित भएको हो।
अवे मैदानमा भएको खेलमा दोस्रो मिनेटमा नै पिजारोले गोल गर्दै इन्टर मायामीलाई सुरुवाति अग्रता दिलाए। पहिलो हाफमा लिएको अग्रता मायामीले दोस्रो हाफमा जोगाउन सकेन।
५४ औँ मिनेटमा आर टोरेस सीधै रातो कार्ड पाएर मैदानबाट बाहिरिएपछि मायामी १० खेलाडीमा सीमित भयो। त्यसपछि डिसीले गोलगरेको हो।
५९ औँ मिनेटमा पाएको पेनाल्टीमा असदले डिसीका लागि बराबरी गोल गरे।
६१ औँ मिनेटमा ब्रिलान्टले गोल गरेपछि डिसी २–१ ले विजयी भयो।
पहिलो खेलमा इन्टर मायामी १–० ले पराजित भएको थियो।
