काठमाडौं। साहित्यकार नयनराज पाण्डेले २१ फागुन साँझपख फेसबुकमा लामो स्टाटस लेख्दै कोरोनाको त्रास नहटुन्जेल कुनै पनि कार्यक्रममा नजाने निर्णय गरेको बताए। लेखे – ‘कोरोनाको त्रास नहटुन्जेल कुनै कार्यक्रममा नजाने निर्णय गरेको छु। आयोजकहरूले आफ्ना कार्यक्रम उपयुक्त समयसम्मका लागि स्थगित गरिदिए सबैलाई राम्रो हुन्थ्यो। यो सामान्य विषय होइन। मलाई त ज्यानको साह्रै माया लाग्छ। आफ्नो कारणले अरुको स्वास्थ्यमा असर नपरोस् भनेर हामी सबै सचेत हुनुपर्ने बेला हो यो।’
नयनराज मात्रै होइन, कोरोनाको त्रासका कारण अन्य साहित्यकारहरू पनि सार्वजनिक कार्यक्रम नगर्न र नजान सुझाव दिन थालेका छन्।
