मैले किताब नलेखे पनि हुन्थ्यो होला, यो लेख भने नलेखी हुँदैनथ्यो।
मैले सोचेकी थिएँ, कामविशेषका लागि लेखनबाट केहीबेर ब्रेक लिनुपर्ने भयो भने यो लेख लेखेर मैजारो गर्छु। तर अनिश्चित कुराका लागि यति महत्त्वपूर्ण विषयलाई कुराउनु उचित ठानिनँ।
गत साता बुधबारसम्म ठीकै थियो।
बिहीबार साँझ घर पुग्दा समाचार आइसकेको रहेछ।
प्रकाशकले भनेकी थिइन्, 'आज प्रेस रिलिज गइसक्यो। केही दिनपछि निम्तो कार्ड तयार हुन्छ अनि पठाउनुहोला।'
'दुर्गा कार्कीको कथासंग्रह 'कुमारी प्रश्नहरू' प्रकाशित हुँदै' भन्ने खालका समाचार पढेँ। मुटु ढक्क फुल्यो।
