गत पुस महिनाको अन्तिम साता अखबार र अनलाइनमा मन हल्लाउने एउटा तस्वीर छापियो। खोकनावासीले आफ्नो अनुहारमा आफैंले कालोमोसो पोतेको त्यो तस्वीरमा हाम्रो विकासे मोडलले चिथोरेको डाम प्रष्ट देखिन्थ्यो। विकासका नाममा वस्ती उजाडिने दृश्यको साक्षी बन्नु पर्ने अवस्था आएपछि खोकनावासीले विरोधको यस्तो उपाय रोजेका थिए।
काठमाडौं उपत्यकाको परम्परागत वस्ती खोकना, जो भूकम्पले हिर्काएर थला परेपछि राम्ररी बौरिनै पाएन। एकपछि अर्को विकासे योजनाले यो बेरिँदै गयो। अनि आत्तिदै पनि गयो। लाग्छ- एकपछि अर्को विकासे योजनाको नाममा सरकार नै खोकना सिध्याउन खोजिरहेछ।
