स्थानीयसँग परामर्शपछि निर्णय लिन सरकारलाई सुझाव
चीनमा रहेका नेपालीलाई कोरोना भाइरस निर्मूल नभएसम्म घर फर्किन दिनुहुन्न भन्ने हदसम्मका ‘जनप्रतिनिधि’ पनि फेला परेका छन्। फर्काउने नै हो भने हाम्रो गाउँ–बस्तीमा राख्नुहुन्न भन्ने ‘समाजसेवी’ पनि देखिएका छन्। मानवीय संवेदनाको शून्य स्थिति मात्र होइन स्वार्थीपनको पराकाष्टा पनि छताछुल्ल भएको छ।
उमेरले निकै पाको व्यक्तिमा मानवीय संवेदना अझ बढी हुन्छ भन्ने आमविश्वास पनि ज्येष्ठ नेता नारायणमान विजुक्छेको टिप्पणीले गलत साबित गरिदियो। विजुक्छेले भन्नुभयो– ‘चीनबाट फर्काइने नेपालीलाई काठमाडौंमै राख्नुहुन्न, महामारी फैलिने सम्भावना हुन्छ, बरु उनीहरूलाई उतै चीनमै उपचार गराएर निको पार्नुपर्छ।’
