गढवा राजपुर गाउँपालिका–७ पटौली नाकास्थित मारुरीखोलाबाट इलाका प्रहरी कार्यालय गढवाले अवैध सालको काठ बरामद गरेको छ। 

अधैव रुपमा सालको काठ निकासा हुँदैछ भन्ने गोप्य सूचनाका आधारमा प्रहरी टोलीले बुधबार उक्त काठ बरामद गरेको हो।

काठ छोडेर तस्करहरु फरार भएको अवस्थामा काठ फेला परेको जिल्ला प्रहरी कार्यालय दाङका प्रहरी नायब उपरीक्षक सुमित खड्काले जानकारी दिए।

बरामद गरिएको उक्त काठ आवश्यक कार्वाहीका लागि सब डिभिजन वन कार्यालय पठाइने प्रहरीले जनाइएको छ।