यातायात व्यवस्था सेवा कार्यालय, सानो भर्‍याङ स्वयम्भुमा कार्यरत अधिकृत घुससहित पक्राउ परेका छन्। पक्राउ पर्नेमा अधिकृत शिवलाल पौडेल रहेका छन्। 

अख्तियार दुरुपयोग अनुसन्धान आयोग टंगालबाट खटिएको टोलीले उनलाई १३ हजार घुससहित नियन्त्रणमा लिइएको हो। 

सवारी कर र प्रदूषणबापतको रकम तिर्न पौडेलले सेवाग्राहीबाट घुस लिएको अख्तियारले जनाएको छ।

अख्तियारले घुस दिने दीपक खतिवडालाई समेत नियन्त्रणमा लिएको छ।