उमेर १६ वर्ष। तर, उपलब्धिका चाङ हेर्दा एकछिन् सोच्न बाध्य बनाउँछ। यही उमेरमा हात परेका हुन त यी उपलब्धि?

केही वर्षयता एकपछि अर्को उपलब्धि हात पारेका उनी विश्व वरीयतामा राम्रै स्थान बनाइरहेका छन्।

उनको नामः प्रिन्स दाहाल

खेलः ब्याडमिन्टन

विश्व वरीयताको ११औँ स्थान।

सातदोबाटोबाट चापागाउँ जानेतर्फ भाटभटेनी छ। त्यसको विपरीत दिशामा जाँदा पिपलको रुख आउँछ। त्यहाँबाट थोरै देब्रेतर्फ गए पुगिन्छ प्रिन्सको घर।

लजालु स्वभावका उनी खासै बोल्दैनन्। केही सोधिहाले फिस्स हाँस्छन्। छोटो उत्तर दिन्छन्।