प्रधानमन्त्री केपी शर्मा ओलीले उद्घाटन गरेको विद्युतीय बस यतिबेला साझा यातयातको पार्किङ स्थलमा थन्किएर बसेको छ । गत वर्ष ६ कात्तिकमा प्रधानमन्त्रीसहित काठमाडौं उपत्यकाका मेयर विद्यासुन्दर शाक्य तथा साझा यातयातका पदाधिकारीले निकै तामझामका साथ उद्घाटन गरेका थिए । विडम्बना नै भन्नुपर्छ प्रधानमन्त्री स्वयंले उद्घाटन गरेको बस उद्घाटनको दिन बाहेक सञ्चालनमा आउन सकेको छैन ।
एक बर्षअघि संस्कृति, पर्यटन तथा नागरिक उडड्यन मन्त्रालयले लुम्बिनी विकास कोषमा प्रयोग गर्नका लागि भन्दै चिनियाँ विद्युतीय बस निर्माता कम्पनी बिवाइडीसँग सम्झौता गरेको थियो। सम्झौता अनुरूप चिनियाँ कम्पनीले उक्त बस पनि ल्यायो ।
