सत्तारूढ नेपाल कम्युनिस्ट पार्टी (नेकपा) रूपी जहाजका दुई शक्तिशाली ‘पाइलट’ यतिबेला गन्तव्यबारे रनभुल्लमा परेका छन्। प्रधानमन्त्री एवं पार्टी अध्यक्ष केपी शर्मा ओली र उनका समकक्षी पुष्पकमल दाहालका निम्ति अहिले सोच्दै नसोचेको खड्गो आइलागेको छ।
नेकपा अध्यक्षद्वयले उपसभामुख शिवमाया तुम्बाहाङ्फेलाई दूधको झिँगोजस्तो पदबाट निकालेर फ्याँक्न सकिने ठानेका रहेछन्। तर जुन दिन सभामुख कृष्णबहादुर महराको बहिर्गमन भयो, त्यो दिनदेखि नै तुम्बाहाङफेले भने त्यो संस्थाको नेतृत्व गर्ने मनस्थिति बनाइसकेकी रहिछन्।
