काठमाडौं । लामो समय संघर्ष गरेर पनि धेरैले सफलता पाउन सक्दैनन् । केहीले भने छोटै समयमा उपलब्धि हासिल गर्छन्– त्यो पनि निकै लोभ लाग्दो तरिकाले । चलचित्र र संगीतमा यस्ता केही व्यक्ति छन्, जो बाल्य अवस्थामै सफल भए । भारतमा कला क्षेत्र हरेक व्यक्तिको पहिलो रोजाइमा पर्ने भएकाले कैयौं बालबालिका सेलिब्रिटी बन्छन् । तर नेपालमा भने कला साहित्यमा भविष्य नरहेको भन्दै सन्तानलाई यो क्षेत्रमा अभिभावकले प्रोत्साहन गर्दैनन् । परिणाम सानै उमेरमा उच्च सफलता पाउनेको संख्या निकै कम छ ।
सलोन बस्नेत, अनुभव रेग्मी, राज आचार्य, कमला घिमिरे, अशोक दर्जी, तेरिया मगर, प्रेम परियार, आयुष केसी, प्रितम आचार्य, सेड्रिना शर्मा प्रतिनिधि हुन् । यी सबै सानै उमेरमा त्यो पनि निकै छोटो समयमा लोकप्रिय हुने कलाकार हुन् ।
