विराटनगर महानगरपालिकाबाट सशस्त्र प्रहरी जवान सचितनारायण विश्वास घुस रकमसहित पक्राउ परेका छन्।  

अख्तियार दुरुपयोग अनुसन्धान आयोग इटहरीको टोलीले विराटनगर–११ बसपार्कबाट पाँच हजार पाँच सय रुपैयाँ घुससहित सोमबार दिउँसो विश्वासलाई पक्राउ गरेको हो। अख्तियार इटहरीका प्रवक्ता ज्ञानेन्द्र ढकालले भारतबाट प्याज ल्याउन सहज बनाइदिने भन्दै सेवाग्राहीसँग घुस लिइरहेको अवस्थामा विश्वासलाई पक्राउ गरिएको बताए।  

कारबाही अघि बढाउन उनीमाथि आवश्यक अनुसन्धान सुरु गरिने ढकालको भनाइ छ।  

विराटनगरस्थित सशस्त्र प्रहरीको बीओपी पोस्ट बखरीमा कार्यरत विश्वासलाई केही समयदेखि घुमुवाका रुपमा खटाइएको थियो । 

उनी मोरङको ग्रामथान गाउँपालिकाको तेतरियाका बासिन्दा हुन्।