भारतको हिमाली क्षेत्र हिमाञ्चलको तापमान शुन्यमा झरेपछि यहाँको नदीनालाको पानी जमेको छ। हिमाञ्चल प्रदेशको केलांगमा तापक्रम माइनस ११ डिग्रीसम्म झरेको भारतीय अखबारहरूले जनाएका छन्। 

यस्तै, शिमलाको तापक्रम ४ डिग्रीमा झरेको छ। किन्नौर जिल्लाको कल्पामा तापक्रम १ दशमलव ८ डिग्री पुगेको छ। जाडोका कारण केही भागमा झर्ना नै जमेको छ। 

शनिबार बिहान काश्मिरको श्रीनगरमा तापक्रम माइनस ५ दशमलव ८ डिग्रीमा झरेको बताइएको छ। यो तापक्रम श्रीनगरको यस बर्षको सबैभन्दा चिसो थियो। 

यस्तै, राजधानी नयाँ दिल्लीमा तापक्रम २ दशमलव ४ डिग्री पुगेको छ। दिल्लीमा १ सय १८ वर्षपछि जाडो बढेको हो।