क्यामराको श्याटरमा
बन्दुक तेर्साए
देश अन्धो हुन्छ।
तीन खुट्टामा
देशलाई उँभ्याउन खोज्ने
पागलहरूलाई के थाहा?
उनीहरूले आफ्नो गला
आफै रेटिरहेका छन्।
मेरो देशका मान्छेहरूमा
कान रहेनछ
कान भएकाहरूको पनि
कान हराएछ
मुखमा पनि
सजिलै राखेको माइक्रोफोन
हा...हा.....कस्तो हास्यास्पद
थुक्क..........कति घृणास्पद
चरित्रको उपदेश
स्वय चोरले दिन्छ
चरित्रको किनबेच चलेको देश
र देश चलाउँनेहरू हो!
तिमीहरूको दिमाग़
त्यो आईमाईको चाक जत्ति पनि
नपोस्येको
हा.................................... हा हा
म आफ्नो श्याटरबाट हेरिरहेको थिए
मान्छेहरू भागाभाग हुँदै मरिरहेको बेला
तिमीहरू हाँसी रहेका थियौं
मान्छेहरूको ज्यानको बाजी लगाएर
तिमीहरू जुवा खेलिरहेका थियौं
तिमीहरू र तिमीहरूको सत्तालाई
प्रिन्ट गरेर देखाउनु छ एक दिन
लू.............. हेर तिमीहरू करम
लू..........हेर तिमीहरूको शरम
लू......... हेर तिमीहरूको धरम
लू................. हेर तिमीहरूको
घिनलाग्दो ईतिहास ।
लक्ष्मण न्याैपाने (म्यानमार)
माउम्यातुको बर्मिज भाषामा लेखिएको कविताको नेपाली अनुवाद।
