कुनै अमूक देशको विरोध गरे राष्ट्रवादी भइन्छ भन्ने मानक नेपाली राजनीतिमा स्थापित गरिएको छ
नेपाली राजनीतिक वृत्तलाई अक्सर एउटा मनोदशाले घेरेको देखिन्छ। शक्तिको आडमा राजनीतिक स्वार्थ पूरा गर्न सकिन्छ भन्ने भाव उनीहरूका अन्तर्मनमा गढेर बसेको छ। खासगरी विगतमा दरबारसँगको सम्बन्ध र शक्ति राष्ट्रहरूसँगको सम्बन्धका आधारमा राजनीतिक यात्रा अघि बढाउन खोज्नेहरू थिए। दरबारको अन्त्यपछि नेपालको राजनीतिमा मूलतः भारत, चीन या अमेरिकाजस्ता शक्ति राष्ट्रको प्रभाव रहेको मान्यता पाल्नेहरूको बाहुल्य छ।
