अमेरिकाले नेपालमा जारी विप्लव माओवादीको गतिविधिलाई घरेलु आतंकवादी क्रियाकलापको संज्ञा दिएको छ ।
अमेरिकी विदेश मन्त्रालयले २०१८ का लागि तयार पारेको आतंकवाद सम्वन्धी प्रतिवेदनमा यस्तो उल्लेख गरिएको हो ।
अमेरिकाको यो निष्कर्षले नेपालीलाई अमेरिकामा असाइलमको बहाना जुराइ दिएको छ ।
विश्वका हरेक देशमा आतंकवादको विद्यमान स्थितिलाई ध्यानमा राखेर तयार गरिएको ३३२ पृष्ठको प्रतिवेदनमा नेपालले तीन पृष्ठ ठाउँ पाएको छ । पृष्ठ १७५ देखि १७७ सम्मको नेपाल खण्डमा सन् २०१८ मा नेपालमा अन्तर्राष्ट्रिय आतंकवादको कुनै गतिविधि नभएको उल्लेख गरिएको छ ।
प्रतिवेदनमा सन् २०१८ मा हिंसात्मक अतिवादको प्रतिरोध सम्बन्धमा कुनै परिवर्तको सूचना नभएको उल्लेख गरिएको छ ।
तर, प्रतिवेदनमा भारतीय मुजाहिद्दीनले आफ्ना गतिविधिलाई नेपालमा पनि विस्तार गरेर कार्यकर्ताका लागि सबभन्दा ठूलो हब बनाएको निस्कर्ष निकालिएको छ ।
प्रतिवेदनमा त्रिभुवन विमानस्थल र सीमा सुरक्षामा कमजोरी रहेको विश्लेषण गरिएको छ ।
.jpg)
