अमेरिकाले साउदी अरबका तेल प्रशोधन केन्द्रमा भएका आक्रमणमा इरान संलग्न भएको प्रमाण आफूसँग भएको दावी गरेको छ ।
भूउपग्रहबाट खिचिएका तस्बिर सार्वजनिक गर्दै उसले यस्तो दावी गरेको हो । तर, इरानले भने आरोपको खण्डन गर्दै आफ्नो कुनै संलग्नता नरहेको बताएको छ ।
यसअघि नै आक्रमणको जिम्मेवारी यमनमा सक्रिय विद्रोही हूथी समूहले लिइसकेको छ ।
यो पनि हेर्नुहोस्
इरान समर्थित हूथीहरू सन् २०१५ देखि नै त्यहाँको सरकारविरूद्ध आन्दोलित छन् । उनीहरूले त्यहाँका राष्ट्रपति अब्द्रबुह मन्सूर हादीलाई राजधानी सानाबाट लखेटेका थिए । तर, पछि उनी साउदी अरवको सहयोगमा फर्किएका थिए ।
त्यसयता साउदी अरब र हुथी विद्रोही आम्नेसाम्ने हुँदैआएका छन् ।
तर, यसपटकको ड्रोन आक्रमणमा साउदी अरवको २० प्रतिशत तेल उत्पादन संयन्त्र नै ध्वस्त भएपछि धेरैलाई यो अप्रत्यासित र अस्वभाविक लाग्नु स्वभाविकै हो ।
