रुकुम पश्चिममा बालिकालाई बलात्कारको प्रयास गर्ने एक जनालाई प्रहरीले पक्राउ गरेको छ । सानीभेरी गाउँपालिका–१ सोताटोलका ४५ वर्षीय गंगे भन्ने गंगाराम पुनलाई प्रहरीले पक्राउ गरेको बताएको छ ।

प्रहरीका अनुसार गएको भदौ २८ गते बेलुकी ७ बजे अभिभावक नभएको मौका छोपी १४ वर्षीया एक बालिकालाई बलात्कारको प्रयास गरेका पुनलाई असोज १ गते पक्राउ गरेको हो ।

पुनविरुद्ध बालिकाका आफन्तले असोज १ गते प्रहरीमा उजुरी दिएका थिए ।उजुरी दिएको २४ घण्टामै पुनलाई पक्राउ गरिएको जिल्ला प्रहरी प्रमुख प्रहरी नायब उपरीक्षक सुमित खड्काले बताए ।