काठमाडौं । काठमाडौंको त्रिपुरेश्वरबाट स्रोत नखुलेको ठूलो रकमसहित एक जना पक्राउ परेका छन् ।
आइतबार साँझ महानगरीय प्रहरी वृत्त कालीमाटीबाट खटिएको प्रहरीले प्रदेश नम्बर ३–०२–००५ प ६१५२ नम्बरको स्कुटर जाँच गर्ने क्रममा डल्लु बस्ने ओखलढुंगा मोलुङ गाउँपालिका–५ का २२ वर्षीय उमेश कुमार मगरलाई पक्राउ गरेको हो ।
उनको साथबाट १३ लाख ९ हजार ७ सय ५ रुपैयाँ नगद र विभिन्न बैङ्क तथा वित्तिय संस्थाको ४१ लाख ६२ हजार ५ सय रुपैयाँ बराबरको चेक बरामद गरिएको प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
.jpg)
