भविष्यमा रातको आकास हेर्दा तारा र चन्द्रमासँगै विभिन्न ब्राण्डका विज्ञापनहरु देखिन सक्छ । यसको लागि स्टार्ट–रकेट नामक एक रुसी कम्पनीले नयाँ योजना ल्याएको छ ।
यस योजनालाई मुर्तरुप दिन रकेटबाट स–साना भूउपग्रहहरु अन्तरीक्ष पठाइनेछ । तिनले सूर्यको प्रकाश परावर्तन गराएर रातको समयमा आकाशमा ब्राण्डका शब्द अथवा लोगोको आकृतिमा चम्किनेछ ।
कम्पनीका अनुसार सन् २०२१ सम्म पहिलो विज्ञापन पठानेछ । यी विज्ञापनलाई एकै पटक पृथ्वीका अर्बौ मानिसहरुले हेर्न सक्छन् ।
यसरी गर्नेछ काम
विज्ञापनको लागि एक साथ कयैन भूउपग्रहमा शब्दहरु र लोगोका श्रृखंलाहरु पठाइन्छ । प्रत्येक भू–उपग्रहमा तीस फुट चौडा प्रतिबिम्ब सेल जोडिनेछ जसले सूर्यको प्रकाशलाई पृथ्वीतर्फ प्रतिबिम्बित गर्नेछ ।
यी भू–उपग्रहहरु पृथ्वीको तल्लो कक्ष अर्थात पृथ्वीको सतहबाट ४८० किमीको उचाईमा तैरिरहन्छ ।सन् २०२० बाट सुरु हुनेछ परीक्षण
कम्पनीका अनुसार पहिलो प्रोटोटाइप विज्ञापन अर्को वर्षसम्म प्रक्षेपण गर्न सकिनेछ । सफलतापूर्वक परीक्षणपछि लगभग ५० वर्ग किमी आकारको विज्ञापन पठाइनेछ । यो दिनमा तीनदेखि चार पटक र एक पटकमा छ मिनेटसम्म आकाशमा देखिनेछ ।
नसुझ्लिएको प्रश्नहरु
स्टार्ट–रकेटले हालै यो परियोजनाको अवधारणा समेटको भिडियो जारी गर्यो ।
तर अवधारणामा विज्ञापनहरुको लागी कुन खालको रकेटको प्रयोग हुनेछ ? अन्तर्राष्ट्रिय विज्ञापन नियामकले यस परियोजनालाई अनुमति दिन्छ ? र यो विज्ञापनहरुका लागि कति पैसा आवश्यक पर्छ ? आदी बारेमा कम्पनीले कुनै जानकारी दिएको छैन ।
इलन मस्कबाट प्रेरणा
कम्पनीका सीईओ भ्लादिमिर सितनिकोवले इलन मस्कको स्पेस–एक्सबाट आफूलाई प्रेरणा मिलेको र रकेट ल्याबको डिस्को बाल प्रोजेक्टपछि आफूले अन्तरीक्षमा बिलबोर्ड विज्ञापन लगाउने फैसला गरेको बताएका छन् ।
सितनिकोवले यो परियोजनाले संसारलाई विज्ञापनको सबैभन्दा अनौठो माध्यम प्रदान गर्ने दावी गरे ।
परियोजनाको आलोचना
–यो विज्ञापन रातको समय केही बेरको लागि मात्र देखिन्छ । संसारभरीका कयैन विशेषज्ञहरुले यस्तो विज्ञापनलाई व्यर्थ मानिरहेका छन् ।
–वैज्ञानिकहरुका अनुसार अहिले नै अन्तरिक्षमा कयैन भू–उपग्रह तैरिरहेका छन् । अब विज्ञापनका लागि पनि भू–उपग्रह पठाउन थालेपछि संख्या बढेर यीनिहरु आपसमा ठक्कर खाने सम्भावना बढ्नेछ ।
–अनुमानका अनुसार अन्तरिक्षको कक्षमा ७.५ हजार टन भू–उपग्रहका फोहोर तैरिरहेका छन् । यो खालको भूउपग्रह परियोजना यो फोहोर अझै बढाउनेछ ।
