नेपाली चलचित्र क्षेत्रमा ‘राते काँइला’ उपनामले परिचित कलाकार सुनिल थापा अब बलिउडका चर्चित अभिनेता सलमान खानसँग काम गर्ने भएका छन् ।
‘क्वाथा’ नामक चलचित्रमा सुनिलले काम गर्ने चर्चा चलेको छ । सुनिलका अनुसार सलमानसँग पनि यो बिषयमा कुरा भइसकेको छ । उनले भने 'मौखिक रुपमा हामी काम गर्ने बिषयमा पक्का छौ । तर, लिखित सहमती भैसकेको छैन ।’
यो चलचित्रलाई करण भुटानीले निर्देशन गर्दैछन् । यही चलचित्रबाट नायिका कट्रिना कैफ कीबहिनी इसाबेल बलिउडमा प्रवेश गर्दैछिन् ।
डिसेम्बरमा चलचित्रको छायांकन सुरु हुनेछ ।
५ बर्ष अगाडि उनले नायिका प्रियंका चोपडाको मुख्य भूमिका रहेको चलचित्र ‘मेरी कोम’मा काम गरेका थिए ।