ब्राजिलमा जारी कोपा अमेरिका फुटबलको समूह चरणमा कोलम्बियाले लगातार दोस्रो जित निकालेको छ।
बिहिबार बिहान एसियाली मुलुक कतारलाई १-० गोल अन्तरले हराउँदै कोलम्बियाले दोस्रो जित निकालेको हो।
मोरूम्बी रंगशालामा कोलम्बियालाई जिताउन डुभान जापाटाले निर्णायक गोल गरे। जापाटाले खेलको ८६ औं मिनेटमा गोल गरेका थिए ।
आमन्त्रित टिमको रुपमा पहिलो पटक कोपा अमेरिका खेलेको कतारले कोलम्बियालाई पहिलो हाफमा बराबरीमा रोक्न सके पनि दोस्रो हाफमा लय गुमायो।
यो जितसँगै समूह 'बी' मा कोलम्बियाले २ खेलबाट ६ अंक जोड्दै समूहको शीर्ष स्थानमा रहेको छ।
यसअघि पहिलो खेलमा कोलम्बियाले अर्जेन्टिनालाई २-० ले हराएको थियो।
यो सँगै एक खेल कोलम्बिया जारी कोपा अमेरिका कपको क्वाटरफाइनलमा प्रवेश गरेको छ।
अब कोलम्वियाले अन्तिम खेलमा पाराग्वेसँग २४ जुनमा खेल्नेछ । यो खेलमा जित हात पारे कोलम्विया समूह ‘बी’ को विजेता बन्नेछ।
कतारको यो पहिलो हार हो। १ अंक जोडेको कतारले पहिलो खेलमा पाराग्वेसँग २-२ गोलको बराबरी खेलेको थियो।
आजै भएको समूहको अर्को खेलमा अर्जेन्टिना र पराग्वेले १-१ गोलको बराबरी खेलेका छन्।
प्रतियोगितामा एसियाका दुई आमन्त्रित टिम जापान र कतारसहित १२ टोलीले प्रतिस्पर्धा गरिरहेका छन्।
